پاکستان نے انگلینڈ کے خلاف پہلے ٹی ٹوئنٹی میچ میں حارث روف اور عثمان خان کو کھلانےکا فیصلہ کیا ہے۔
حارث روف اور عثمان خان ٹی ٹونٹی ورلڈکپ اسکواڈ میں شمولیت کے مضبوط امیدوار ہیں، حارث روف حسن علی کی جگہ اسکواڈ میں آئیں گے، عثمان خان کو صائم ایوب کی جگہ پلئینگ الیون میں شامل کیا جا سکتا ہے۔
ذرائع کےمطابق فاسٹ بولرنسیم شاہ بھی پلئینگ الیون میں جگہ بنائیں گے، ایک فاسٹ بولرکم کر کے شاداب خان یا ابرار احمد کو بھی کھلانے کے آپشن پر غور کیا جارہا ہے۔
انگلینڈکیخلاف سیریز میں پاکستان ٹیم منجمنٹ نے مکمل اسٹرنتھ اور ورلڈکپ کمبینیشن کے ساتھ میدان میں اترنے کا فیصلہ کیا ہے۔
حتمی فیصلہ گیری کرسٹن کےساتھ مشاورت سےہوگا،گیری کرسٹن کا کل اسکواڈ کو جوائن کرنا شیڈولڈ ہے،پاکستان اورانگلینڈ کے درمیان پہلا ٹی ٹوئنٹی 22 مئی کو لیڈز میں کھیلا جائے گا۔
واضح رہے کہ حارث روف اورعثمان خان کو آئرلینڈ کے خلاف سیریزمیں موقع نہیں ملا تھا
