چیف آف آرمی سٹاف ( سی او اے ایس ) جنرل عاصم منیر سے قومی ہاکی ٹیم کے کھلاڑیوں نے ملاقات کی ہے۔
پاک فوج کے شعبہ تعلقات عامہ ( آئی ایس پی آر ) کے مطابق جمعہ کو جی ایچ کیو میں آرمی چیف جنرل عاصم منیر سے قومی ہاکی ٹیم کے کھلاڑیوں نے ملاقات کی جس کے دوران انہوں نے اذلان شاہ ہاکی ٹورنامنٹ میں گرین شرٹس کے شاندار کھیل کو سراہا۔
آئی ایس پی آر کے مطابق کھلاڑیوں اور آفیشلز سے ملاقات میں آرمی چیف نے ٹیم کی کارکردگی کا تسلسل یقینی بنانے کیلئے مکمل تعاون کا عزم ظاہر کیا ۔
جنرل عاصم منیر نے کھلاڑیوں کے مستقبل کیلئے نیک خواہشات کا اظہارکیا اور کہا کہ قومی ٹیم کی شاندار کارکردگی قوم کے لئے باعث فخر ہے۔
