وفاقی وزیرسرمایہ کاری بورڈ عبدالعلیم خان کی زیرصدارت ایز آف ڈوئنگ بزنس پروزیراعظم کی قائم کردہ کمیٹی کا اہم اجلاس ہوا جس میں عبدالعلیم خان نے گفتگو کرتے ہوئے کہا کہ وفاقی حکومت سرمایہ کاری سےمتعلق صوبوں اور وزرائےاعلیٰ کو بھی اعتماد میں لے گی،ملک میں کاروبار کے فروغ کیلئے صوبوں اور وفاق کے اشتراک سے مربوط نظام تشکیل دیا جائے گا۔
تفصیلات کے مطابق اجلاس میں میں وفاقی وزیر خزانہ محمد اورنگزیب،وفاقی وزیر تجارت جام کمال، مشیروزیراعظم رانا احسان افضل نے شرکت کی ، اس موقع پر گفتگو کرتے ہوئے عبدالعلیم خان نے کہا کہ ایز آف ڈوئنگ بزنس سےمتعلق تجاویز، قانون سازی اوردیگراہم امورکو جلد حتمی شکل دی جائے،سرمایہ کاری اور کاروبار کے فروغ کے مجوزہ منصوبےٹائم لائن کےساتھ وزیراعظم کو پیش کرینگے،موجودہ سسٹم، اداروں اور طریقہ کار سے متعلق خرابیوں کو دور کرنا ہماری اولین ذمہ داری ہے۔
انہوں نے کہا کہ وفاقی حکومت سرمایہ کاری سےمتعلق صوبوں اور وزرائےاعلیٰ کو بھی اعتماد میں لے گی،ملک میں کاروبار کے فروغ کیلئے صوبوں اور وفاق کے اشتراک سے مربوط نظام تشکیل دیا جائے گا، سرمایہ کاری کوتحفظ دینے کیلئے صوبوں کی مشاورت سےصوبائی سطح پر بھی قانون سازی کیلئےکہیں گے،کاروباری طبقےکی سہولت کیلئے اسپیشل اکنامک زونز کو درپیش مسائل ترجیحی بنیادوں پر حل کریں گے۔
ان کا کہناتھا کہ ترقی یافتہ ممالک کی طرزپرہمیں بزنس کمیونٹی کو زیادہ سے زیادہ سہولتوں کی فراہمی یقینی بنانا ہوگا۔اجلاس میں وفاقی سیکرٹریز، چیئرمین ایس ای سی پی اور متعلقہ وفاقی و صوبائی محکموں کے سینئر افسران بھی موجود تھے، مختلف محکموں کی طرف سے" ایز آف ڈوئنگ بزنس" کے اجراء پر اظہار اطمینان، تجاویز و مشاورت کی گئی۔
