ملک کے کئی شہروں میں گرمی کی شدید لہر جاری ہے۔ سورج آگ برسانے لگا۔
این ڈی ایم اے نے ہیٹ ویو کے تین اسپیل آنے کا الرٹ جاری کر دیا ۔ حکام کے مطابق آج سے 30 مئی کے دوران درجہ حرارت 40 ڈگری تک جانے کا امکان جبکہ جون میں پارہ 45 ڈگری کو چھو سکتا ہے۔
جون کے پہلے 10 دن میں ہیٹ ویو کے تیسرے اسپیل کی پیش گوئی بھی کر دی گئی، حکام کے مطابق ہیٹ ویو کا پہلا اسپیل دو سے تین دن اور دوسرا چار سے پانچ دن تک رہے گا۔
محکمہ موسمیات کے مطابق گزشتہ 24 گھنٹوں کے دوران سب سے زیادہ گرمی دادو میں ریکارڈ کی گئی ۔ جہاں درجہ حرارت 49 ڈگری کو چھوگیا ۔ جیکب آباد 47، سکھر، روہڑی، موہنجو داڑو، شہید بینظیرآباد، لاڑکانہ اور ڈی جی خان میں 46 ڈگری سینٹی ریکارڈ کیا گیا۔ موسم کا حال دینے والوں نے آج بھی آج بھی بیشتر علاقوں میں موسم گرم اور خشک رہنے کی پیشگوئی کی ہے۔
