رحیم یارخان میں ایم فائیو موٹر وے اقبال آباد انٹرچینج کے قریب ٹائر پھٹنے کے باعث بس الٹ گئی ۔ حادثے میں تین افراد جاں بحق جبکہ 31 زخمی ہوگئے۔
ریسکیو حکام کے مطابق بس اسلام آباد سے کراچی جارہی تھی ۔ اُدھر جامشورو میں پٹارو ٹول پلازہ کے قریب تیز رفتاری کے باعث مسافر کوچ الٹنے سے 24 مسافر زخمی ہوگئے ۔
ریسکیو حکام کا کہنا کوچ کراچی سے لاڑکانہ جا رہی تھی ۔ زخمیوں میں سے پانچ کی حالت تشویشناک ہے۔
