پاکستان ہاکی ٹیم نے اذلان شاہ ہاکی ٹورنامنٹ میں تیسری فتح سمیٹ لی ہے۔
قومی ٹیم نے ایونٹ میں اپنے چوتھے میچ میں حریف کینیڈا کو سنسی خیز مقابلے میں شکست دی،گرین شرٹس نے میچ 4 کے مقابلے میں 5 گول سے جیتا،پاکستان کی جانب سے ابوبکر محمود نے دو گول اسکورکیے۔
قومی ٹیم کے رانا عبدالوحید،لیاقت ارشد اورعلی غضنفر نےایک ایک گول اسکور کیا۔ابوبکربہترین کھیل پیش کرتے ہوئے آج کےمین آف دی میچ قرار پائے،ٹیم ایونٹ کے گروپ مرحلےمیں اپنا آخری میچ نیوزی لینڈ کے خلاف 10 مئی کو کھیلے گی۔
ایونٹ میں آج میزبان ملائیشیا کے خلاف جاپان کی جیت سے پاکستان اور جاپان ایونٹ کےفائنل میں رسائی حاصل کرلیں گے،ملائیشیا کی جیت کی صورت میں پاکستان کو نیوزی لینڈ کے خلاف میچ جیتنا یا ڈرا کرنا ہوگا۔
