انٹرنیشنل کرکٹ کونسل (آئی سی سی) نے آئی سی سی نے ویمنز ٹی 20 ورلڈکپ 2024 کے شیڈول کا اعلان کردیا۔
پاکستان کرکٹ ٹیم گروپ اے میں آسٹریلیا، بھارت، نیوزی لینڈ اور کوالیفائر ون میں شامل ہے جبکہ گروپ بی میں جنوبی افریقہ، انگلینڈ، ویسٹ انڈیز، بنگلہ دیش اور کوالیفائر ٹو شامل ہے۔
ورلڈ کپ کا آغاز 3 اکتوبر سے ڈھاکہ میں ہوگا، ایونٹ کا فائنل 20 اکتوبر کو ڈھاکہ میں کھیلا جائے گا۔ پاکستان ٹیم 6 اکتوبر کو سلہٹ میں روایتی حریف بھارت کے خلاف میچ کھیلے گی۔
پاکستان ٹیم 8 اکتوبر کو آسٹریلیا، 11 اکتوبر کو کوالیفائر ون اور 13 اکتوبر کو نیوزی لینڈ کے خلاف میچ کھیلے گی۔
