محکمہ موسمیات کا کہنا ہے کہ اسلام آباد، بالائی پنجاب، خیبرپختونخوا اور شمال مشرقی بلوچستان میں آج رات بارش کا امکان ہے۔
محکمہ موسمیات کے مطابق خیبر پختونخوا،شمال مشرقی بلوچستان،گلگت بلتستان،کشمیر،بالائی پنجاب اور اسلام آباد میں اکثر مقامات پر مطلع ابر آلود رہے گا۔ تاہم چند علاقوں میں تیز آندھی، جھکڑ چلنے اور گرج چمک کے ساتھ بارش متوقع ہے۔ جنوبی پنجاب اور بالائی سندھ میں بھی جھکڑ چلنے کا امکان ہے۔ گزشتہ چوبیس گھنٹوں کے دوران سب سے زیادہ بارش بلوچستان کے علاقہ خضدار میں بارہ ملی میٹر ریکارڈ کی گئی۔
