فیصل آباد میں سرگودھا روڈ پر شوہر نے دو بیویوں اور چار بچوں کو قتل کر کے خود کشی کر لی ۔
تفصیلات کے مطابق یہ افسوسناک واقعہ تھانہ نشانہ آباد گلشن مدینہ فیز 2 میں پیش آیا، شوہر کی شناخت 50 سالہ کاظم جواد کے نام سے ہوئی ہے ، اس کی بیگمات کے نام فیزہ اور امبرین تھے ، بچوں میں یمنہ ، عروج، رومہ ،موسیٰ شامل ہیں ۔ کاظم نے فائرنگ کر کے پہلے دونوں بیویوں کو موت کے گھاٹ اتارا اور بچوں کو مارنے کے بعد خودکشی کر لی ۔
پولیس نے موقع پر پہنچ کر لاشیں تحویل میں لے لی ہیں ، ابتدائی تحقیقات میں سامنے آیا ہے کہ کاظم جواد نامی شخص کاروباری حالات سے تنگ تھا ، فرانزک ٹیم موقع پر پہنچ کر شواہد اکھٹے کر رہی ہے ۔
