محکمہ موسمیات نے کل سے کراچی میں گرمی کی شدت میں کمی کا امکان ظاہر کردیا۔
حکام کے مطابق کراچی میں آج بھی موسم گرم اور خشک رہے گا زیادہ سے زیادہ درجہ حرارت 37 سے 39 ڈگری تک جانے کا امکان ہے تاہم کل سے موسم کی شدت میں کمی ہوسکتی ہے۔ کبھی دھوپ تو کبھی مطلع جزوی طور پر ابر آلود رہے گا۔
محکمہ موسمیات کے مطابق آج شہر میں زیادہ سے زیادہ درجہ حرارت 37 سے 39 ڈگری تک جانے کا امکان ہے، کم سے کم درجہ حرارت 25.3 ڈگری سینٹی گریڈ ریکارڈ کیا گیا، ہوا میں نمی کا تناسب 60 فیصد ہے۔ شمال مغرب سمت سے 8 سے 10 کلو میٹر فی گھنٹہ کی رفتار سے ہوائیں چل رہی ہیں۔
دوسری جانب اسلام آباد سمیت ملک اکثر علاقوں میں آج موسم خشک رہے گا تاہم کشمیر میں مطلع جزوی ابر آلود رہنے کے علاوہ چند مقامات پر بارش ہو سکتی ہے۔ حکام کے مطابق جنوبی علاقوں میں تیز ہوائیں اور جھکڑ چلنے کا امکان ہے، دوپہر کے بعد اسلام آباد کے چند مقامات پر تیز ہوائیں چلنے کا امکان ہے۔
