انگلینڈ اور ویلز میں لوکل باڈی انتخابات آج ہوں گے، لندن سمیت اہم شہروں کے مئیر بھی منتخب ہوں گے۔
برطانوی میڈیا رپورٹس کے مطابق لندن میں میئر کے لئے ہونے والے انتخابات میں پاکستانی نژاد صادق خان ایک بار پھر میدان میں اتریں گے جبکہ ان کا مقابلہ سوسین ہال سے ہوگا۔
صادق خان تیسری مدت کے لیے لیبر پارٹی کے امیدوار ہوں گے جبکہ سوسین ہال کنزرویٹو پارٹی کی امیدوار ہوں گی۔
لندن میئر کے الیکشن میں کل 13 امیدوار مدمقابل ہیں اور ہندوستانی نژاد امیدوار ترون گلوٹی بھی حصہ لے رہے ہیں تاہم اصل مقابلہ صادق خان اور سوسین ہال کے درمیان متوقع ہے۔
انتخابات کے لئے صبح 7 بجے سے رات 10 بجے تک پولنگ جاری رہے گی۔
رپورٹ کے مطابق اس بار لندن میں میئر کے انتخابات فرسٹ پاسٹ دی پوسٹ سسٹم کے ذریعے کرائے جا رہے ہیں جس میں ووٹر صرف ایک امیدوار کو ووٹ دیتے ہیں اور جس کو سب سے زیادہ ووٹ ملے وہ جیت جاتا ہے۔
