بھارتی کے شہر مراد آباد میں 18 لاکھ روپے بینک کے لاکر میں رکھنے والی خاتون لاکرکھولنے کے بعد ہوش اڑ گئے۔
بھارتی میڈیا رپورٹس کے مطابق خاتون نے ایک سال بعد بینک لاکر کھولا تو پتہ چلا کہ دیمک نے 18 لاکھ روپے کا کیش کھا لیا جو اس نے بیٹی کے شادی کے لیے رکھا تھا۔
بھارتی میڈیا کے مطابق خاتون نے گزشتہ سال اکتوبر میں 18 لاکھ روپے بینک لاکر میں رکھے تھے، بینک کی جانب سے انہیں کسٹمر انفارمیشن اور دیگر تصدیقی عمل کے لیے بینک بلوایا گیا تھا۔
بڑی محنت سے جمع کر کے لاکر میں رکھے گئے کرنسی نوٹ دیمک کے حملے کے بعد کھائے ہوئے کاغذ کے ٹکڑوں میں تبدیل ہو گئے تھے۔
اس واقعے پر میڈیا نے بینک سے جواب مانگا تو بینک کے عملے نے کہا کہ ہیڈکوارٹر کو رپورٹ بھیج دی ہے۔
بھارتی میڈیا کے مطابق متاثرہ خاتون نے الزام عائد کیا ہے کہ بینک کا عملہ ان کے ساتھ کوئی معلومات شیئر نہیں کر رہا۔
متاثرہ خاتون الکا پاٹھک کا کہنا ہے کہ اگر مجھے بینک سے جواب اور تعاون نہیں ملتا تو میں اس معاملے کو بڑھانے کے لیے میڈیا کی مدد طلب کروں گی۔
