چینی کی ممکنہ برآمد سے پہلے ہی قیمتوں میں مسلسل اضافہ دیکھنے میں آ رہاہے ۔
تفصیلات کے مطابق دستاویزات سامنے آیاہے کہ مختلف شہروں میں چینی 140 سے 158 روپے کلو میں فروخت ہو رہی ہے ، سب سے مہنگی چینی کوئٹہ میں ہے جہاں ریٹ 158 روپے کلو تک جا پہنچا ہے جبکہ کراچی میں 155 ، پشاور ، لاہور راولپنڈی اور اسلام آباد میں چینی 150 روپے پر فروخت کی جارہی ہے ۔ادارہ شماریات کے مطابق گزشتہ ہفتے چینی کی قیمت میں 87 پیسے فی کلو اضافہ دیکھنے میں آیا ہے جبکہ گزشتہ سال چینی کی اوسط قیمت 120 روپے فی کلو گرام تھی۔
