زمبابوے کے سابق انٹرنیشنل کرکٹر گائے وہٹل چیتے کے حملے سے شدید زخمی ہوگئے۔
رپورٹس کے مطابق زمبابوے کے سابق آل راؤنڈر گائے وہٹل شکار مہم کے دوران چیتے کے حملے سے شدید زخمی ہوئے جس کے بعد انہیں علاج کے لئے ہسپتال داخل کرایا گیا ہے۔
سابق کرکٹر پر حملے کی تصدیق وہٹل کی اہلیہ ہننا اسٹوکس وہٹل نے فیس بک پوسٹ کے ذریعے کی۔
وہٹل نے زمبابوے کے لیے 1993 سے 2003 کے درمیان 46 ٹیسٹ اور 147 ون ڈے کھیلے ہیں۔
سابق کرکٹر اپنے خاندان کے ساتھ زمبابوے کے جنوب مشرقی علاقے ہمانی میں سفاری کا کاروبار چلا رہے ہیں جہاں وہ شکار کے لئے ایک چیتے کا پیچھا کر رہے تھے کہ اس نے حملے میں زخمی کردیا۔
اس سے قبل وہٹل ایک بڑے مگرمچھ کے حملے سے بھی بال بال بچے تھے جو ان کے بستر کے نیچے چھپا ہوا تھا۔
