لاہور ہائیکورٹ نے این اے 81 گوجرانوالہ سے سنی اتحاد کونسل کے رانا بلال اعجاز کی کامیابی کو برقرار رکھتے ہوئے الیکشن کمیشن کے ن لیگ کے اظہر قیوم کی درخواست پر دوبارہ گنتی کے نوٹیفکیشن کو غیر قانونی قرار دیدیا۔
تحریری حکم میں قرار دیا گیا ہے کہ فارم سینتالیس، اڑتالیس اور انچاس جاری ہونے کے بعد دوبارہ گنتی نہیں ہوسکتی، انتخابی عمل یا الیکشن پروسیس کے دوران ووٹوں کی گنتی کا نوٹیفکیشن جاری ہوسکتا تھا۔
تحریری فیصلے کے مطابق الیکشن کمیشن کا دوبارہ ووٹوں کی گنتی کا نوٹیفکیشن قانونی اثر نہیں رکھتا، عدالت نے دوبارہ ووٹوں کی گنتی کا نوٹیفکیشن کالعدم قرار دیتی ہے، دوبارہ ووٹوں کی گنتی کا 18 مارچ کا نوٹیفکیشن غیر قانونی ہے۔
جسٹس شاہد کریم نے چوہدری بلال اعجاز کی درخواست پر تحریری فیصلے میں مزید لکھا ہے کہ ریکارڈ کے مطابق ریٹرننگ افسر نے مخالف امیدوار اظہر قیوم کی دوبارہ ووٹوں کی گنتی کی درخواست خارج کردی۔ درخواست گزار ایک لاکھ 17 ہزار سات سو 17 ووٹوں سے کامیابی حاصل کی۔
