اسلام آباد ہائیکورٹ بار نے عدلیہ میں مبینہ مداخلت سے متعلق ججز کے خط کی تحقیقات کےلیے سپریم کورٹ سے رجوع کرلیا۔
اسلام آباد ہائیکورٹ نے ججز کے خط کی تحقیقات کے لیے آئینی درخواست سپریم کورٹ میں دائر کردی۔ درخواست میں استدعا کی گئی ہے کہ عدالت ہائیکورٹ کے ججز کے خط کی روشنی میں معاملے کی شفاف تحقیقات کرائے۔
خط میں مزید کہا گیا ہے کہ شفاف تحقیقات کے بعد عدلیہ کو نیچا دکھانے والوں کے خلاف کارروائی کی جائے۔ معاملہ اگرسپریم جوڈیشل کونسل سے متعلقہ ہو تو عدالت کونسل کو جائزے کے لیے سفارشات بھیجے۔
درخواست میں کہا گیا ہے کہ ہائیکورٹ کے چھ ججز نے خط میں سنگین نوعیت کے واقعات بیان کیے ہیں۔ آزاد عدلیہ آئین کی بنیاد اور فراہمی انصاف کا واحد ذریعہ ہے۔ عدلیہ کی آزادی پر سمجھوتہ کسی صورت قابل قبول نہیں۔
