پاکستان انٹرنیشنل ایئر لائن ( پی آئی اے ) کی متعدد پروازیں موسم کی خرابی کے باعث منسوخ اور تاخیر کا شکار ہوگئیں۔
کراچی سے گوادر جانے والی پی آئی اے کی پرواز 503 منسوخ جبکہ کراچی سے اسلام آباد جانے والی پرواز پی کے 308 تاخیر کا شکار ہوگئی۔
کراچی سے اسلام آباد جانے والی پرواز پی کے 768 بھی منسوخ کردی گئی۔
عراق سے کراچی آنے والی پرواز ایران اسرائیل کشیدہ صورتحال کے باعث آپریٹ نہ ہوسکی۔
استنبول سے کراچی آنےوالی پرواز کی آمد شام ساڑھے پانچ بجے متوقع ہے جبکہ کراچی سے استنبول جانے والی پرواز بھی کئی گھنٹے تاخیر کا شکار ہے۔
کراچی سے لاہور جانے والی نجی ایئرلائن ائیربلیو اور کراچی سے اسلام آباد جانے والی نجی ایئرلائن کی پرواز بھی منسوخ ہوگئی۔
