پاکستان کرکٹ بورڈ کی سلیکشن کمیٹی نے نیوزی لینڈ کے خلاف 17 رکنی سکواڈ کا اعلان کر دیاہے جبکہ اس کے علاوہ پانچ کھلاریوں کو ریزرو میں رکھا گیاہے ۔
سلیکشن کمیتی کے رکن وہاب ریاض نے کہاہے کہ محمد عامر اور عماد وسیم نے سلیکشن کیلئے اپنی دستیابی ظاہر کر دی تھی اور یہی مد نظر رکھترے ہوئے کہ حارث روف اس سیریز میں دستیاب نہیں ہیں اور ڈاکٹرز کا کہناہے کہ انگلینڈ کیخلاف سیریز تک فٹ ہو جائیں گے ، اس لیے ہمیں ٹیم میں تجربے کی ضرورت تھی ، نواز کی بھی فارم اچھی نہیں تھی جس کے باعث عماد وسیم کو شامل کرنے کا فیصلہ کیا گیا ۔
قومی ٹیم کے سکواڈ میں بابراعظم کپتان ، ابرار احمد، اعظم خان، فخر زمان ، افتخار احمد ، عماد وسیم ، محمد عباس آفریدی ، محمد رضوان، محمد عامر ، محمد عرفان خان ،نسیم شاہ، صائم ایوب، شاداب خان ، شاہین شاہ آفریدی، اسامہ میر، عثمان خان اور زمان خان شامل ہیں ۔ ان کے علاوہ ریزرو کھلاڑیوں میں حسیب اللہ، محمد علی ، صاحبزادہ فرحان اور سلمان علی آغاشامل ہیں۔
