پاکستان میں عید کا چاند دیکھنے کیلئے رویت ہلال کمیٹی کا اجلاس آج مولانا عبدالخبیر آزاد کی زیر صدارت ہو گا جس دوران شہادتیں موصول ہونے کی صورت میں حتمی اعلان کیا جائے گا تاہم اس سے قبل محکمہ موسمیات نے شوال کا چاند نظر آنے کا قوی امکان ظاہر کیاہے ۔
تفصیلات کے مطابق چیف میٹرولوجسٹ سردار سرفراز نے کہاہے کہ نئے چاند کی پیدائش گزشتہ شب 11 بج کر 21 منٹ پر ہو چکی ہے اور 6 اپریل یعنی آج غروب آفتاب کے وقت چاند کی عمر تقریبا 19 سے 20 گھنٹے ہو گی ، غروب آفتاب کے بعد چاند نظر آنے کا دورانیہ 50 منٹ سے زائد ہو گا اس لیے چاند نظر آنے کے واضح امکانات ہیں ، آج ملک میں زیادہ تر مقامات پر مطلع صاف رہنے کا امکا ن ہے ۔
