نیوزی لینڈ کی حکومت کی جانب سے ورک ویزا کے قوانین کو سخت کر دیا گیا ۔
غیر ملکی میڈیا رپورٹس کے مطابق نیوزی لینڈ کے حکام کا کہنا ہے کہ غیر پائیدار نقل مکانی کی سطح کے جواب میں ورک ویزا کے قوانین کو سخت کر دیا گیا ہے۔
کم ہنر مند درخواست دہندگان کو اب انگلش زبان کے تقاضوں کو پورا کرنا ہوگا اور انہیں تین سال تک رہنے کی اجازت ہے۔
امیگریشن کی وزیر ایریکا سٹینفورڈ نے کہا کہ ہماری امیگریشن سیٹنگز کو درست کرنا اس حکومت کے معیشت کی تعمیر نو کے منصوبے کے لیے اہم ہے۔
گزشتہ سال تقریباً 173,000 افراد نے نیوزی لینڈ ہجرت کی۔
سخت قوانین کے تحت زیادہ تر ورک ویزا کے درخواست دہندگان کو اب مہارت اور کام کے تجربے کے تقاضے پورے کرنا ہوں گے۔
اسٹینفورڈ نے کہا کہ یہ قواعد ایک زیادہ جامع ورک پروگرام کے آغاز کی نشاندہی کرتے ہیں تاکہ ایک بہتر امیگریشن سسٹم بنایا جا سکے۔
انہوں نے مزید کہا کہ ویزا کے مزید سخت قوانین تارکین وطن کارکنوں کے استحصال کو روکنے میں بھی مدد کرتے ہیں۔
نیوزی لینڈ کے ایمپلائرز اینڈ مینوفیکچررز ایسوسی ایشن نے خدشات کا اظہار کیا کہ نئے ویزا قوانین کے "غیر ارادی" نتائج ہو سکتے ہیں۔
