پاکستان ہاکی فیڈریشن ( پی ایچ ایف ) نے قومی ٹیم کے لیے غیر ملکی کوچ کی خدمات حاصل کرنے کا فیصلہ کر لیا۔
پی ایچ ایف کی جانب سے قومی ٹیم کیلئے غیر ملکی کوچ کی تقرری کا فیصلہ کیا گیا ہے جبکہ نیدر لینڈز کے رولنٹ اولٹمنز کوچنگ کے مضبوط امیدوار ہیں ہے۔
رولنٹ آلٹمنز کے ساتھ اسپورٹ اسٹاف میں ملکی کوچز شامل ہوں گے۔
اذلان شاہ ہاکی ٹورنامنٹ کے لیے قومی ٹیم کا تربیتی کیمپ 15 اپریل سے اسلام آباد میں شروع ہو گا جبکہ ممکنہ کھلاڑیوں کے ناموں کا اعلان جلد کیا جائے گا۔
صدر پی ایچ ایف طارق بگٹی کا اس حوالے سے کہنا تھا کہ جدید دور کی ہاکی کے ساتھ چلنے کے لئے غیر ملکی کوچ کی ضرورت ہے ہاکی بدل چکی، غیرملکی کوچز ہی ٹیم کی کارکردگی میں نکھار لاسکتے ہیں، اگلے دو سالوں میں پاکستان ٹیم کو دنیا کی چھ بہترین ٹیموں میں دیکھنا چاہتا ہوں۔
طارق بگٹی کا کہنا تھا کہ پاکستان کی ٹیم تمام ایونٹس میں شرکت کیا کرے گی۔
انکا کہنا تھا کہ عید کے بعد وزیراعظم سے ملاقات کرکے ہاکی مسائل پر بات کروں گا، پی ایچ ایف پہلے سے ہی 8 کروڑ روپے کی مقروض ہے۔
