پاکستان ویمن کرکٹ ٹیم کا ویسٹ انڈیز کیخلاف سیریز کیلئے تربیتی کیمپ منگل سے شروع ہوگا جس میں شرکت کیلئے پلیئرز کراچی پہنچ گئی ہیں۔
پاکستان کرکٹ بورڈ ( پی سی بی ) کی جانب سے تربیتی کیمپ کیلئے 20 کھلاڑیوں کو مدعو کیا گیا ہے۔
تربیتی کیمپ کے دوران پلیئرز دو انٹرا اسکواڈ میچز بھی کھیلیں گی۔
پاکستان اور ویسٹ انڈیز کے درمیان 3 ون ڈے اور 5 ٹی 20 میچز رواں ماہ ہوں گے۔
ون ڈے میچز 18، 21 اور 23 اپریل کو کھیلے جائیں گے جو کہ انٹرنیشنل کرکٹ کونسل ( آئی سی سی ) ون ڈے چیمپئن شپ کا حصہ ہوں گے۔
ٹی 20 میچز 26، 28، 30 اپریل ، 2 اور 3 مئی کو ہوں گے جبکہ سیریز کے تمام میچز کراچی کے نیشنل بینک اسٹیڈیم میں کھیلے جائیں گے۔
سیریز کیلئے پاکستان ویمن ٹیم کے حتمی کھلاڑیوں کا اعلان کیمپ کے آخر میں کیا جائے گا۔
