قومی ٹیم کے سابق کپتان شاہد آفریدی نے کپتانی کے معاملے پر حیرانگی کا اظہار کر دیا ہے۔
یاد رہے کہ پاکستان کرکٹ بورڈ ( پی سی بی ) کی جانب سے بابر اعظم کو وائٹ بال ٹیم کی قیادت دوبارہ سونپ دی گئی ہے۔
شاہد آفریدی نے ٹیم کی کپتانی کے معاملے پر رد عمل دیتے ہوئے کہا کہ مجھے کپتان تبدیل کرنے کے معاملے پر حیرانگی ہوئی ہے۔
لازمی پڑھیں۔ بابر اعظم کے والد اعظم صدیق کا اہم پیغام سامنے آگیا
سابق کپتان کا کہنا تھا کہ سلیکشن کمیٹی میں تجربہ کار کرکٹرز موجود ہیں ان کے فیصلے پر حیرانگی ہوئی۔
انہوں نے کہا کہ اگر کپتان بنانا ہی تھا تو محمد رضوان کو بناتے۔
ان کا مزید کہنا تھا کہ اب فیصلہ ہوچکا ہے تو میری نیک تمنائیں اورتعاون بابر کے ساتھ ہیں۔
