گجرات میں مسجد میں صف بندی کے دوران ہونے وال جھگڑا شدت اختیار کر گیا اور نماز کے بعد ملزمان نے مسجد سے نکلتے ہوئے 50 سال شخص کو قتل کر دیا ۔
تفصیلات کے مطابق پولیس کا کہنا ہے کہ مقتول مسجد سے نماز پڑ ھ کر موٹر سائیکل پر سوار ہو کر گھر کیلئے نکلا ، ملزمان نے مقتول کی موٹر سائیکل کو ٹکر ماری اور تکرار کے بعد فائرنگ کر دی ، گولیاں لگنے سے 50 سالہ شخص موقع پر ہی دم توڑ گیا ۔واردات کی سی سی ٹی وی فوٹیج بھی سامنے آ گئی جس میں ملزمان کو فائرنگ کرتے ہوئے دیکھا جا سکتا ہے ۔ پولیس نے مقتول کے بھائی کی مدعیت میں 4 افراد کے خلاف مقدمہ درج کر لیاہے ۔
