سلطان ازلان شاہ ہاکی کپ کے 30 ویں ایڈیشن کے ڈراز کا اعلان کردیا گیا۔
پاکستان ہاکی فیڈریشن ( پی ایچ ایف ) کے مطابق سلطان ازلان شاہ کپ کا 30 واں ایڈیشن 4 تا 11 مئی ملائشیا میں کھیلا جائے گا۔
سیکرٹری جنرل پی ایچ ایف حیدر حسین نے بتایا کہ ایونٹ میں چھ ٹیمیں حصہ لیں گی جن میں نیوزی لینڈ ، کوریا، ملائشیا، جاپان، پاکستان اور کینیڈا شامل ہیں۔
حسنین حیدر نے بتایا کہ پاکستان اپنا پہلا میچ 4 مئی کو ملائشیا کے خلاف کھیلے گا جبکہ قومی ٹیم دوسرے میچ میں 5 مئی کو کوریا کے مدمقابل ہوگی۔
انہوں نے بتایا کہ پاکستان اور جاپان کے درمیان میچ 7 مئی کو کھیلا جائے گا جبکہ کینیڈا کے خلاف پاکستانی ٹیم 8 مئی کو میدان میں اترے گی۔
ان کا کہنا تھا کہ پاکستان پول کا آخری میچ نیوزی لینڈ کے خلاف 10 مئی کو کھیلے گا۔
یاد رہے کہ پاکستان نے سابقہ ایونٹ میں براؤنز میڈل حاصل کیا تھا۔
