پاکستانی روپیہ کے مقابلے میں امریکی ڈالر کی قدر میں کمی کا رجحان آج بھی برقرار ہے۔
اسٹیٹ بینک کے مطابق کاروباری ہفتے کے دوسری روز انٹربینک میں ڈالر کی قدر میں 5 پیسے کی کمی ہوگئی، جس سے ڈالر 278 روپے 8 پیسے پر بند ہوا۔ دوسری جانب اوپن مارکیٹ میں اوپن مارکیٹ میں ڈالر 6 پیسے سستا، 280 روپے 67 پیسے پر آگیا۔
واضح رہے کہ اسٹیٹ بینک کے مطابق گزشتہ روز بھی کاروبار کے دوران انٹر بینک میں ڈالر کی قدر میں ایک پیسے کی کمی ہوگئی، جس سے انٹر بینک میں ڈالر 278 روپے 13 پیسے پر بند ہوا۔
خیال رہے کہ رواں ماہ کے دوران تبادلہ مارکیٹ میں پاکستانی روپے کے مقابلے میں امریکی ڈالر کی قدر میں مسلسل کمی کا رجحان ہے۔ گزشتہ ہفتے کے دوران بھی ڈالر کی قیمت میں مجموعی طور پر 64 پیسے کی کمی دیکھی گئی۔
