سینئر صوبائی وزیر مریم اورنگزیب نے میڈیا سے گفتگو کرتے ہوئے کہاہے کہ آج یوم پاکستان کے موقع پر پاکستان کے رنگ دکھائی دے رہے ہیں ،جیلانی پارک میں جشن بہاراں فیسٹول کا افتتاح ہوا ہے،جیلانی پارک میں پھولوں کی نمائش کا افتتاح کیا گیا ہے، پارک میں ہر طرف طرف پھولوں کے رنگ دکھائی دے رہے ہیں ،لاہو رکی تمام فیملیز کو دعوت دیتی ہوں جیلانی پارک میں آئیں ۔
انہوں نے کہا کہ وزیراعلی پنجاب کی ہدایت پر جشن بہاراں فیسٹول شروع کیا گیا ہے ، پنجاب کی ترقی کا سفر دوبارہ سے شروع کیا ہے، پنجاب میں ستھرا پنجاب مہم بھی کامیابی سے جاری ہے ، آج جیلانی پارک میں کرکٹ گراؤنڈ کا شاندار افتتاح کیا ہے، کرکٹ گراؤنڈ کو مرحوم عبداللہ سنبل کے نام سے منسوب کیا ہے،جیلانی پارک میں نوجوانوں کے لئے ایک نیا آؤٹ ڈور جم بھی بنے گا،مہنگائی پر قابو پانے کے لیے سب کام کر رہے ہیں، اوپن مارکیٹ میں مہنگائی پر قابو پایا گیا جس کے بعداشیاء کی قیمتیں کم ہوئیں۔
