پاکستان کرکٹ ٹیم کے سابق آلراؤنڈر عبدالرزاق کو قومی سلیکشن کمیٹی میں شامل کئے جانے کا امکان ہے۔
ذرائع کے مطابق قومی ٹیم کے چیف سلیکٹر وہاب ریاض نے سلیکشن کمیٹی میں نئے ممبر شامل کرنے کا فیصلہ کرلیا ہے اور سابق آلراؤنڈر عبدالرزاق کو بطور ممبر کمیٹی میں شامل کئے جانے کا امکان ہے۔
ذرائع نے بتایا کہ پاکستان کرکٹ بورڈ ( پی سی بی ) کی جانب سے اس حوالےسے عبدالرزاق سے رابطہ کیا گیا ہے۔
ذرائع نے مزید بتایا کہ پی سی بی جلد سلیکشن کمیٹی کا اعلان کرے گا۔
