ٹریفک قوائد کی مسلسل خلاف ورزی پر کنزرویٹو لارڈ زیک گولڈ سمتھ پر ڈرائیونگ کی پابندی لگا دی گئی۔
برطانوی میڈیا رپورٹس کے مطابق سابق وزیر ماحولیات زیک گولڈ سمتھ پر تیز رفتاری کرتے ہوئے پکڑے جانے کے بعد ایک سال کے لیے گاڑی چلانے پر پابندی عائد کر دی گئی ہے۔
سابق وزیر ماحولیات نے دو برسوں کے دوران مجموعی طور پر 11 بار ٹریفک قوائد کی خلاف ورزی کی اور انہیں پابندی کے ساتھ ساتھ 8 ہزار 200 پاؤنڈ جرمانہ ادا کرنے کا حکم بھی دیا گیا ہے۔
ویسٹ منسٹر مجسٹریٹس کورٹ میں سنائی جانے والی سزا کے مطابق زیک کے لائسنس پر 12 پینالٹی پوائنٹس بھی لگائے گئے ہیں۔
یاد رہے کہ زیک گولڈ سمتھ پاکستان تحریک انصاف ( پی ٹی آئی ) کے بانی عمران خان کی پہلی اہلیہ جمائمہ گولڈ سمتھ کے بھائی ہیں۔
