لاہور میں امیربالاج قتل کیس کی تحقیقات میں اہم پیش رفت ہوگئی۔
پولیس نے بالاج کو قتل کرنےوالی ٹیم کے سرغنہ کو شناخت کرلیا۔ ملزم وقوعہ کے اگلے روز سیالکوٹ ایئرپورٹ سے دبئی فرار ہوا۔
تفتیشی حکام کے مطابق بلاول نے شادی میں شرکت کے لیےکرائے پرگاڑی حاصل کی، پولیس نے گاڑی اورڈرائیور نعمان کو بھی حراست میں لے لیا۔
پولیس نے بلاول کی گرفتاری کے لیے انٹرپول سے رابطہ کرلیا، ملزم بلاول نامزد ملزم طیفی بٹ کے برادر نسبتی کا بیٹا ہے۔
واضح رہے کہ گزشتہ روز امیر بالاج ٹیپو کے قتل کے واقعہ کی ایک اور فوٹیج سامنے آگئی جس میں اہم ملزم کو شناخت بھی کر لیا گیا۔ حکام کے مطابق واقعہ کی ایک اور ویڈیو بھی سامنے آگئی ہے جس میں ہارون نامی ملزم کو شناخت کرلیا گیا ہے۔ وقوعہ کے روز ملزم ہارون نے امیر بالاج ٹیپو پر فائرنگ کی مانیٹرنگ کی جبکہ فرار ہونے سے پہلے ہارون نے فائرنگ بھی کی۔
