بھارت کی سابق صدر پرتیبھا پاٹل کو طبعیت ناساز ہونے کے باعث علاج کے لئے ہسپتال منتقل کر دیا گیا۔
بھارتی میڈیا رپورٹس کے مطابق حکام نے بتایا کہ سابق صدر پرتیبھا پاٹل کو بخار اور سینے میں انفیکشن کی علامات ظاہر ہوئی ہیں جس کے بعد انہیں علاج کے لئے پونے کے ’’ بھارتی ہسپتال ‘‘ میں داخل کرایا گیا ۔
حکام کے مطابق سابق صدر کو بدھ کی رات ہسپتال داخل کرایا گیا۔
دوسری جانب ہسپتال انتظامیہ کا کہنا تھا کہ پرتیبھا کو بخار اور سینے میں انفیکشن ہے تاہم، ان کی حالت مستحکم ہے اور فی الحال وہ زیر علاج ہے۔
یاد رہے کہ پرتیبھا پاٹل نے 2007 سے 2012 تک 12 ویں صدر کے طور پر خدمات انجام دیں اور وہ بھارت کی صدر بننے والی پہلی خاتون تھیں۔
