کراچی کنگز کے کپتان شان مسعود نے پاکستان سپر لیگ ( پی ایس ایل ) کے میچ کے دوران اسلام آباد یونائیٹڈ کے کپتان شاداب خان سے ہونے والی تکرار پر لب کشائی کردی۔
یاد رہے کہ راولپنڈی میں پی ایس ایل میچ کے دوران اسلام آباد یونائیٹڈ کی قیادت کرنے والے شاداب خان اور کراچی کنگز کے کپتان شان مسعود کے درمیان گرما گرمی ہوئی تھی۔
دونوں کپتانوں کے درمیان اختلاف محمد نواز کی باؤلنگ کا سامنا کرنے والے آغا سلمان کے خلاف کیچ بیک ریویو کے باعث ہوا تھا۔
پیر کے روز پشاور زلمی کے ہاتھوں شکست کے بعد پریس کانفرنس کرتے ہوئے کراچی کنگز کے کپتان شان مسعود نے رواں سیزن میں اپنی خراب کارکردگی کا اعتراف کیا اور شاداب خان کے ساتھ ہونے والی گرما گرمی پر رد عمل بھی دیا۔
لازمی پڑھیں۔ شاداب خان کا شان مسعود کے ساتھ ہونے والی گرما گرمی پر ردعمل سامنے آگیا
شان مسعود کا کہنا تھا کہ میں مانتا ہوں کہ میری کارکردگی اچھی نہیں رہی، ماضی میں ہر سال اچھا رہا مگر اس بار ایسا نہیں ہوسکا، اس لئے افسوس ہے توقعات کے مطابق پرفارمنس نہیں دے سکا۔
لازمی پڑھیں۔ شاداب خان کا نیوزی لینڈ کیخلاف سیریز کیلئے ٹیم میں واپسی کا امکان
شاداب کے ساتھ تکرار پر انہوں نے کہا کہ فیلڈ میں پلیئرز کے جذبات ہوتے ہیں، ہر انسان میں کچھ خوبی کچھ خامی ہوتی ہے، میں نے وائیڈ واپس لینے کیلئے ری ویو لیا تھا اور جب امپائر سے بات کررہا تھا تو شاداب نے کہا وقت ختم ہوگیا ہے جس اسے کہا کہ آپ میچ کھیلو، امپائرنگ مت کرو۔
خیال رہے کہ کراچی کنگز کا رواں پی ایس ایل میں سفر ختم ہوچکا ہے۔
