قومی ٹیم کے آلراؤنڈر شاداب خان اور فاسٹ باؤلر نسیم شاہ کی نیوزی لینڈ کے خلاف ٹی 20 سیریز کیلئے ٹیم میں واپسی کا امکان ہے۔
پاکستان اور نیوزی لینڈ کے درمیان 5 میچز پر مشتمل ٹی 20 سیریز آئندہ ماہ اپریل میں شیڈول ہے جس کے لئے سکواڈ کا اعلان پاکستان سپر لیگ ( پی ایس ایل ) کے بعد کیا جائے گا۔
میڈیا رپورٹس کے مطابق ٹی 20 سیریز کے لئے قومی سکواڈ میں چند کھلاڑیوں کی واپسی کا امکان ہے اور آلراؤنڈر شاداب خان اور فاسٹ باؤلر نسیم شاہ ہوم سیریز میں واپسی کریں گے۔
فاسٹ باؤلر حارث رؤف کندھے کی انجری کا شکار ہیں جس کے باعث ان کی سلیکشن مشکل ہوگی اور ان کی جگہ مختلف کھلاڑیوں کے ناموں پر غور کیا جا رہا ہے۔
