جائیداد کے تنازعہ پر دادا کو قتل کر کے بیرون ملک فرار ہونے کی کوشش کرنے والے ملزم کو پولیس نے لاہور ایئرپورٹ سے گرفتار کرلیا۔
پولیس کے مطابق ملزم عبدالواسع نے تھانہ احمد نگر گوجرانوالہ کی حدود میں گذشتہ برس جائیداد کے تنازع پر دادا کو قتل کیا تھا ۔پنجاب پولیس سپیشل آپریشن سیل نے ملزم کے کوائف پی این آئی ایل لسٹ میں درج کروائے ۔ ملزم کو بیرون ملک فرار ہونے کی کوشش کے دوران لاہور ائیر پورٹ سے گرفتار کیا گیا۔مزید قانونی کارروائی کیلئے ملزم کو گوجرانوالہ پولیس کے حوالے کر دیا گیا ہے ۔ آئی جی پنجاب کا کہنا تھا کہ قانونی کاروائی جلد مکمل کرکے ملزم کو قرار واقعی سزا دلوائی جائے گی ۔
