نومنتخب رکن قومی اسمبلی ثمینہ خالد گھرکی اورپیپلز پارٹی پنجاب کی ڈپٹی انفارمیشن سیکریٹری ناہیدواحدنے آصف علی زرداری کو دوسری بار صدر مملکت منتخب ہونے پر مبارک باد دی اور نیک تمناؤں کا اظہار کیا ہے۔
رکن قومی اسمبلی ثمینہ خالد گھرکی اورپیپلز پارٹی پنجاب کی ڈپٹی انفارمیشن سیکریٹری ناہیدواحد نے نومنتخب صدرآصف علی زرداری سےزرداری ہائوس اسلام آباد میں ملاقات کی اور انہیں دوسری مرتبہ صدر مملکت منتخب ہونے پر مبارک باد دی اور نیک تمناؤں کا اظہار کیا ۔جس پر آصف علی زرداری نے ان کا شکریہ ادا کیا۔
خیال رہے کہ پیپلزپارٹی پارلیمنٹرینز کے صدر آصف زرداری بھاری اکثریت سے صدر پاکستان منتخب ہوگئے ہیں اور وہ دوسری بار صدر بننے والی پہلی سول شخصیت بھی بن گئے۔
پارلیمنٹ اور صوبائی اسمبلیوں کے مکمل نتائج کے مطابق آصف علی زرداری بھاری اکثریت سے صدر پاکستان منتخب ہوئے جبکہ سنی اتحاد کونسل کے امیدوار محمود خان اچکزئی دوسری نمبر پر رہے۔
الیکشن کمیشن آف پاکستان ( ای سی پی ) کی جانب سے جاری کیے گئے نتیجے کے مطابق اتحاد ی جماعتوں کے صدارتی امیدوار آصف علی زرداری نے 411 ووٹ حاصل کئے،جبکہ سنی اتحاد کونس کے صدارتی امیدوار محمود خان اچکزئی کو 181 ووٹ ملے۔
صدارتی انتخاب کے لئے الیکٹورل کالج 1185 ووٹوں پر مشتمل تھا، 92 سیٹیں خالی ہونے کے باعث موجودہ الیکٹورل کالج کے مجموعی ووٹ 1093 تھے،تمام پریذائیڈنگ افسران کے مطابق مجموعی طور پر 1044 ووٹ ڈالے گئے،پریذائیڈنگ افسران نے 9 ووٹ مسترد کئے،1035 ووٹ درست قرار پائے۔
