اسلام آباد یونائیٹڈ کے کپتان شاداب خان کا کراچی کنگز کے کپتان شان مسعود کے ساتھ ہونے والی گرما گرمی پر ردعمل سامنے آگیا۔
جمعرات کو راولپنڈی میں پی ایس ایل میچ کے دوران اسلام آباد یونائیٹڈ کی قیادت کرنے والے شاداب خان اور کراچی کنگز کے کپتان شان مسعود کے درمیان گرما گرمی ہوئی تھی۔
دونوں کپتانوں کے درمیان اختلاف محمد نواز کی باؤلنگ کا سامنا کرنے والے آغا سلمان کے خلاف کیچ بیک ریویو کے باعث ہوا تھا۔
لازمی پڑھیں۔ پی ایس ایل کے پوائنٹس ٹیبل کی دلچسپ صوتحال سامنے آگئی
میچ کے بعد پریس کانفرنس میں بات کرتے ہوئے شاداب نے کہا کہ یہ معاملہ کوئی سنجیدہ نہیں تھا اور یہ کرکٹ کے میدان میں اتفاقاً ہوتا ہے۔
شاداب نے کہا کہ ’’ شان بھائی میدان میں غلط فہمی کی وجہ سے ناراض ہو گئے لیکن کرکٹ میں ایسی چیزیں ہوتی ہیں، یہ کوئی سنجیدہ بات نہیں ‘‘۔
لازمی پڑھیں۔ شاداب خان کا نیوزی لینڈ کیخلاف سیریز کیلئے ٹیم میں واپسی کا امکان
خیال رہے کہ غلط فہمی اس لیے ہوئی کیونکہ شاداب کا خیال تھا کہ شان نے ڈیسیژن ریویو سسٹم ( ڈی آر ایس ) کے لیے مقررہ وقت سے تجاوز کیا ہے جس کے جواب میں شان نے شاداب کو ہدایت کی کہ وہ اپنی پوزیشن پر واپس جائیں اور ان کے اور امپائر کے درمیان ہونے والی گفتگو میں مداخلت سے گریز کریں۔
