امریکا نے پاکستان کی سیاست میں امریکی مداخلت کی خبروں کو بے بنیاد قرار دے دیا۔
ترجمان امریکی محکمہ خارجہ میتھیو ملر نے پاکستان کی سیاست میں امریکی مداخلت کی خبروں کو بے بنیاد اور غلط قرار دے دیا ہے۔
میڈیا بریفنگ کے دوران پاکستان کی سیاست میں امریکی مداخلت کے سوال پر ترجمان امریکی محکمہ خارجہ نے ردعمل دیتے ہوئے کہا کہ ایسی خبریں بے بنیاد اور غلط ہیں۔
میتھیو ملر کا کہنا تھا کہ پاکستان کے مستقبل کا فیصلہ پاکستانی عوام نے کرنا ہے۔
ترجمان کا کہنا تھا کہ ہم پاکستان میں سچ کے ساتھ کھڑے ہیں، ہم آزادی اظہار اور آزاد پریس کا تحفظ چاہتے ہیں۔
انہوں نے مزید کہا کہ پاکستان سمیت دنیا میں ہر جگہ میڈیا کی آزادی چاہتے ہیں۔
