ملتان سلطانز کے کھلاڑی اولی سٹون انجری کے باعث پاکستان سپر لیگ ( پی ایس ایل ) کے ایڈیشن 9 سے باہر ہوگئے۔
پاکستان سپر لیگ کے دوران ملتان سلطان کی ٹیم کو بڑا دھچکا ہے ، ٹیم کے اہم کھلاڑی اولی سٹون انجری کے باعث ایونٹ سے باہر ہوگئے ہیں۔
مہمان کھلاڑی اولی سٹون کو کمر کی تکلیف کا سامنا تھا جس کے باعث انہوں نے پاکستان سپر لیگ کے ایڈیشن 9 سے دستبردار ہونے کا فیصلہ کیا ہے۔
ملتان سلطانز بہت جلد اولی اسٹون کے متبادل کھلاڑی کے لئے درخواست دے گی۔
لازمی پڑھیں۔ اسلام آباد یونائیٹڈ کے کوچ نے گلیڈی ایٹرز سے شکست کی وجہ بتا دی
یاد رہے کہ پی ایس ایل 9 میں آج ملتان سلطان اور پشاور زلمی کی ٹیمیں ایک دوسرے کے مدمقابل ہوں گی اور دونوں ٹیموں کے درمیان میچ شام 7 بجے ملتان کرکٹ سٹیڈیم میں شروع ہو گا۔
خیال رہے کہ سلطانز نے تین میچز کھیلے ہیں اور تینوں میں کامیابی حاصل کی ہے جبکہ زلمی اب تک ایک بھی میچ نہیں جیت پائی۔
