پاکستان سپر لیگ کے پانچویں میچ میں ملتان سلطانز نے اسلام آباد یونائیٹڈ کو انتہائی سنسنی خیز مرحلے کے بعد 5 وکٹوں سے شکست دیتے ہوئے ایونٹ میں دوسری کامیابی سمیٹ لی ہے ۔
تفصیلات کے مطابق ملتان سلطانز نے اسلام آباد یونائیٹڈ کی جانب سے دیا گیا 145 رنز کا ہدف 20 ویں اوور کی پانچویں گیند پر 5 وکٹوں کے نقصان پر حاصل کیا جس میں سب سے اہم کردار ریز اہینڈرکس کا رہا جنہوں نے 46 گیندوں پر 58 رنز کی اننگ کھیلی جبکہ ان کے علاوہ اوپنر اور کپتان محمد رضوان نے 43 رنز بنائے تاہم وہ نصف سینچری بنانے میں کامیا ب نہیں ہو سکے ، ان کے علاوہ افتخار احمد 18 ، یاسر خان 8 ، خوشدل شاہ 3 اور ڈیوڈ ویلی 7 سکور بنانے میں کامیاب ہوئیے ۔
اس سے قبل ملتان سلطانز نے ٹاس جیت کر فیڈلنگ کا فیصلہ کیا اور اسلام آباد یونائیٹڈ کو بیٹنگ کی دعوت دی جس پر اسلام آباد کی پوری ٹیم 20 اوورز میں 144 رنز بنانے میں کامیاب ہوئی ۔
اسلام آباد یونائیٹڈ کی جانب سے آغا سلمان نے بہترین بلے بازی کا مظاہرہ کرتے ہوئے 52 رنز کی اننگ کھیلی جبکہ جورڈن نے 41 رنز بنا کر ٹیم کو بڑی سپورٹ فراہم کی ، ان کے علاوہ کوئی اور کھلاڑی خاطرہ خواہ کارکردگی دکھانے میں کامیاب نہیں ہو سکا ۔ اعظم خان 13 اور کپتان شاداب خان 11 سکور ہی بنا سکے ۔
ملتان سلطانز کی جانب سے محمد علی اور عباس آفریدی نے 3، 3 کھلاڑیوں کو پولین کی راہ دکھائی جبکہ اسامہ نے 2 اور وڈیوڈ ویلی نے ایک وکٹ حاصل کی ۔
اسلام آباد یونائیٹڈ کے سکواڈ میں ایلیکس ہیلز ،منرو، سلمان علی آغا، سلمان علی آغا، شاداب خان ، اعظم خان ، جورڈن کوکس، عماد وسیم، فہیم اشرف، نسیم شاہ، عبید شاہ، ٹیمل ملزشامل ہیں۔
ملتان سلطانز کی ٹیم میں محمد رضوان ، ڈیوڈ ملان ، ریزا ہینڈرکس، یاسر خان ، افتخار احمد، خوشدل شاہ، ڈیوڈ ویلی ، اسامہ میر، عباس آفریدی ، محمد علی ، اولی سٹون شامل ہیں ۔
