ملتان میں اسلام آباد یونائیٹڈ اور ملتان سلطانز کے درمیان کھیلے جارہے میچ کو ایک پول کی فلڈ لائٹس بند ہونے کے باعث روک دیا گیاہے ۔
تفصیلات کے مطابق پی ایس ایل انتطامیہ کی جانب سے ابھی تک یہ نہیں بتایا گیا کہ میچ کتنی دیر میں دوبارہ شروع ہو سکے گا تاہم ٹیمیں خرابی کو ٹھیک کرنے کیلئے مصروف عمل ہیں ۔
ملتان سلطانز نے ٹاس جیت کر فیلدنگ کا فیصلہ کیا جس پر اسلام آباد یونائیٹڈ نے پہلے بیٹنگ کرتے ہوئے14.2 اوورز میں 4 وکٹوں کے نقصان پر 104 رنز بنا لیے ہیں ۔
اسلام آباد یونائیٹڈ کی جانب سے منرو اور ایلیکس ہیلز نے میدان میں اتر کرکھیل کا آغاز کیا لیکن دونوں اوپننگ بیٹسمین خاصی کارکردگی دکھانے میں کامیاب نہیں ہو سکے ، منرو 8 جبکہ ایلیکس ہیلز 2 رنز بنانے میں کامیاب ہوئے۔ جورڈن کوکس نے شاندار بیٹنگ کا مظاہرہ کرتے ہوئے 41 رنز کی اننگ کھیلی جبکہ اعظم خان نے 13 رنز بنائے ۔
