پشاور زلمی کے اوپننگ بیٹسمین صائم ایوب نے کوئٹہ گلیڈی ایٹرز کے خلاف میچ میں رن آوٹ ہونے کے بعد بابراعظم کے ساتھ ہونے والے دلچسپ جملوں کا تبادلہ فینز کے ساتھ شیئر کر دیاہے ۔
تفصیلات کے مطابق صائم ایوب کا کہنا تھا کہ بابر اعظم نے رن آؤٹ ہونے کے بعد سوری کہا مگر یہ میچ کا حصہ ہے، ابھی ٹورنامنٹ کی شروعات ہے، پہلے میچ میں جو غلطیاں کی اسے بہتر کریں، ٹی ٹوئنٹی مومنٹم کی گیم ہے، اگر غلطیاں کریں گے تو حریف ٹیم ہاوی ہوجاتی ہے، ، خواجہ فافع بہت ٹیلنٹڈ پلیئر ہیں، ان کے لئے بیک خواہشات ہیں، پشاور زلمی ہمیشہ اٹیکنگ گیم کھیلتی ہے، اور آگے بھی کھیلتی رہے گی، لاہور کی پچز پر زیادہ رنز بن رہے ہیں، تو ہم مثبت سوچ کے ساتھ میدان میں اتریں گے۔
یاد رہے کہ کوئٹہ گلیڈی ایٹرز کے خلاف میچ میں صائم ایوب 42 رنز پر بابراعظم کے ہمراہ بیٹنگ کرتے ہوئے رن آوٹ ہو گئے تھے ۔اس میچ میں بابراعظم نے 68 رنز کی اننگ کھیلی لیکن میچ میں کامیابی نہ مل سکی ۔
