پاکستان تحریک انصاف ( پی ٹی آئی ) کے صدر اور سابق وزیر اعلیٰ پنجاب پرویز الہٰی کی محمد خان بھٹی کو پرنسپل سیکرٹری تعنیات کرنے کے مقدمے میں ضمانت منظور ہوگئی۔
لاہور ہائیکورٹ نے محمد خان بھٹی کو پرنسپل سیکرٹری تعنیات کرنے کے مقدمے میں سابق وزیر اعلیٰ پرویز الہٰی کی ضمانت منظور کر لی۔
لاہور ہائیکورٹ نے پرویزالہٰی کی ایک لاکھ روپے کے مچلکے کے عوض ضمانت منظور کی۔
پرویز الہٰی کی جانب سے عامر سعید راں ایڈووکیٹ پیش ہوئے اور موقف اختیار کیا کہ پرویز الٰہی کے وزیراعلیٰ بننے سے پہلے پرنسپل سیکرٹری کا نوٹیفکیشن جاری کیا گیا، وزیراعلیٰ کے پرنسپل سیکرٹری کا نوٹیفکیشن چیف سیکرٹری پنجاب نے جاری کیا۔
جوڈیشل مجسٹریٹ نے محمد خان بھٹی کو ڈسچارج کیا، اس مقدمہ میں چیف سیکرٹری کو فریق ہی نہیں بنایا گیا، یہ کیس سیاسی بنیادوں پر قائم کیا گیا۔
بعدازاں دلائل مکمل ہونے کے بعد عدالت نے پرویز الہیٰ کی ضمانت منظور کرلی۔
