بنگلہ دیش پریمیئر لیگ کی ڈرافٹنگ اور ریٹیشن میں پاکستان کے 14 کھلاڑیوں کو براہ راست سائن کرلیا گیا، جن میں بابر اعظم، شعیب ملک، فخر زمان، محمد عامر، محمد رضوان، نسیم شاہ اور دیگر شامل ہیں۔
بنگلہ دیش پریمیئر لیگ کے آئندہ سیزن کیلئے ڈرافٹنگ اور ریٹینشن کا سلسلہ جاری ہے، بی پی ایل کے اگلے سیزن کیلئے کھلاڑیو ں کی ڈرافٹنگ کی فہرست کا اجراء کردیا گیا، جس میں متعدد پاکستانی کھلاڑی مختلف کیٹگریز میں براہ راست سائن کرلئے گئے۔
رپورٹ کے مطابق رنگ پور رائیڈرز نے بابر اعظم اور احسان اللہ کو ڈائریکٹ سائن کرلیا جبکہ کھلنا ٹائیگرز نے فہیم اشرف جبکہ فورچون باریشل نے شعیب ملک، فخر زمان، محمد عامر اور عباس آفریدی کو براہ راست ٹیم کا حصہ بنالیا۔
رپورٹ میں بتایا گیا ہے کہ چٹاگرام چیلنجر نے محمد حارث اور محمد حسنین، کومیلا وکٹورینز نے محمد رضوان، افتخار احمد، زمان خان، خوشدل شاہ اور نسیم شاہ کو اسکواڈ کا حصہ بنایا ہے۔
بی پی ایل کی اے کیٹیگری کی بیس پرائس 80 ہزار ڈالر رکھی گئی ہے، اے کیٹیگری میں پاکستان کے شان مسعود، حیدر علی شامل ہیں، 60 ہزار ڈالرز بیس پرائس کی بی کیٹیگری میں عثمان قادر، احمد شہزاد، اسامہ میر، محمد حفیظ، یاسر شاہ اور سعود شکیل کو شامل کیا گیا ہے۔
بنگلہ دیش پریمیئر لیگ کی سی کیٹیگری کی بیس پرائس 40 ہزار امریکی ڈالر مقرر ہے، اس کیٹیگری میں عثمان شنواری، شرجیل خان، شاہنواز دھانی، کامران اکمل، ارشد اقبال، حارث سہیل، محمد عمران، عبداللہ شفیق، عمید آصف، عامر یامین، عماد بٹ، ثمین گل، عاکف جاوید، احمد دانیال اور صہیب مقصود شامل ہیں۔
بی پی ایل کی ڈی کیٹیگری کی پرائس 30 ہزار ڈالر ہے، جس میں سلمان ارشاد، سلمان علی آغا، انور علی، احسان عادل، عرفان خان، ذیشان اشرف، حسین طلعت، کامران غلام، عمر اکمل، رومان رئیس اور سعود شکیل کو شامل کیا گیا ہے۔
بنگلہ دیش پریمیئر لیگ کی ڈی کیٹیگری میں پاکستان کے عامر جمال، صائم ایوب، امام الحق، زاہد محمود اور محمد اخلاق بھی شامل ہیں۔
آئندہ سال بنگلہ دیش پریمیئر لیگ کے ایڈیشن کی ڈرافٹنگ کل (24 ستمبر) کو ہوگی، جس کے بعد کھلاڑیوں کی حتمی فہرست جاری کی جائے گی۔
