پاکستان کوسٹ گارڈز نے ایک بڑی کارروائی میں 12 اونٹوں پر لدی چرس سے بھری 75 بوریاں پکڑ لیں۔
تفصیلات کے مطابق پاکستان کوسٹ گارڈز نے بلوچستان کے علاقے پسنی میں انٹیلی جنس بیس آپریشن میں منشیات کی بھاری مقدار بیرون ملک اسمگلنگ کی کوشش ناکام بنا دی۔
ترجمان کوسٹ گارڈز کے مطابق پسنی میں اونٹوں پر لدی 852 کلو چرس پکڑی گئی ہے، منشیات کو بعد میں لانچ اور اسپیڈ بوٹ سے بیرون ملک اسمگل کیا جانا تھا۔
ذرائع کے مطابق آپریشن میں 12 اونٹوں پر لدی 75 بوریوں میں چرس بیرون ملک سمگل کئے جانے کا امکان تھا، ضبط شدہ چرس کی مالیت کروڑوں روپے تھی۔
