استحکام پاکستان پارٹی ( آئی پی پی ) کے صدر عبدالعلیم خان نے بلوچستان میں بم دھماکوں کی مذمت کی ہے۔
یاد رہے کہ بدھ کے روز بلوچستان کے دو اضلاع پشین اور قلعہ سیف اللہ میں دو دھماکے ہوئے ہیں جن کے نتیجے میں 26 افراد جاں بحق ہوئے۔
آئی پی پی صدر عبدالعلیم خان نے بلوچستان میں ہونے والے دھماکوں کی مذمت کرتے ہوئے کہا کہ ایسے افسوسناک واقعات ہر پاکستانی کے لئے تشویش کا باعث ہیں، اللہ تعالیٰ جاں بحق افراد کو جوار رحمت میں جگہ عطا فرمائے۔
عبدالعلیم خان نے دھماکوں کے نتیجے میں زخمی ہونے والے افراد کی جلد صحت یابی کی دعا بھی کی ہے۔
