پاکستان میں عالمی مارکیٹ کے زیر اثر فی تولہ سونے کی قیمت میں اضافہ ہوا ہے۔
کرنسی ڈیلرز کے مطابق منگل کے روز 24قیراط کے حامل فی تولہ سونے کی قیمت میں 500روپے کا اضافہ ہوا اور نئی قیمت 2 لاکھ 15 ہزار 200 روپے تک پہنچ گئی۔ اسی طرح ملک میں فی 10 گرام سونے کی قیمت بھی 429روپے بڑھنے سے ایک لاکھ 84 ہزار 500 روپے روپے ہوگئی۔
سونے کی قیمتوں میں اضافے کے برعکس چاندی کی قیمتیں بغیر کسی تبدیلی کے برقرار ہیں۔ ملک میں فی تولہ چاندی 2600 روپے اور فی 10 گرام چاندی 2229.08 روپے کی سطح پر مستحکم ہے۔
دوسری جانب بین الاقوامی بلین مارکیٹ میں سونے کی فی اونس قیمت 5 ڈالر بڑھ گئی، جس سے نئی قیمت 2 ہزار 47 ڈالر فی اونس کی سطح پر آ گئی۔
