پاکستان کے سابق آل راونڈر شعیب ملک کی نئی دلہن ثانیہ ثناء جاوید نے شوہر کیلئے سوشل میڈیا پر پہلا پیغام جاری کر دیاہے جس نے سوشل میڈیا پر دھوم مچا دی ہے ۔
تفصیلات کے مطابق شعیب ملک اس وقت بنگلہ دیش کے شہر میر پور میں پریمیئر لیگ کھیلنے میں مصروف ہیں اور انہوں نے اس دوران ٹی ٹوینٹی کرکٹ کا نہایت اہم ریکارڈ اپنے نام کر لیا ہے ،وہ ٹی ٹوینٹی فارمیٹ میں 13 ہزار رنز بنانے والے پہلے کھلاڑی بن گئے ہیں جس پر اہلیہ ثناء جاوید نے بھی انسٹاگرام پر سٹوری لگاتے ہوئے پیغام جاری کیا ۔ ثنا جاوید نے اپنے آفیشل انسٹاگرام اکاؤنٹ کی سٹوری میں لکھا کہ”ماشااللہ! مجھے آپ پر بہت فخر ہے“۔
یاد رہے کہ شعیب ملک اور ثناء جاوید نے 20 جنوری کو اپنی شادی کا اعلان سوشل میڈیا پر جاری پوسٹ میں کیا جسے دیکھ کر پاکستان میں تقریبا ہر کوئی حیران رہ گیا ۔
واضح رہے کہ ثنا جاوید نے سال 2020 میں گلوکار عمیر جسوال سے پہلی شادی کی تھی، اس جوڑی نے اپنے نکاح کی تصاویر انسٹاگرام اکاؤنٹ پر پوسٹ کی تھیں اور سال 2023 کے آخر میں اس جوڑی کی طلاق کی خبر سامنے آئی تھی۔دوسری جانب شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔
