صوبائی دارالحکومت لاہور کے علاقے شاہدرہ میں گیس سلنڈر پھٹنے سے 9 افراد زخمی ہوگئے۔
ریسکیو حکام کے مطابق شاہدرہ میں گھرمیں کھانا تیار کرتے ہوئے گیس سلنڈر پھٹنے کا افسوسناک واقعہ پیش آیا جس کے نتیجے میں 4 بچوں سمیت 9 افراد زخمی ہوگئے۔
حکام نے بتایا کہ واقعہ میں زخمی ہونے والے تمام افراد کو ابتدائی طبی امداد کے بعد ہسپتال منتقل کر دیا گیا ہے۔
حکام نے مزید بتایا کہ زخمیوں کی حالت خطرے سے باہر ہے۔
