پاکستان کے مایہ ناز فاسٹ باولر نسم شاہ کے مداحوں کیلئے خوشخبری آ گئی ہے کیونکہ کھلاڑی نے نیٹ میں واپسی کر دی ہے ، وہ بہت ہی شاندار انداز میں گیند بازی کر رہے ہیں اور انہیں کسی قسم کی کوئی تکلیف بھی محسوس نہیں ہوئی ۔
تفصیلات کے مطابق پاکستان سپر لیگ کے سیزن 9 کے آغاز میں اب بس کچھ ہی ہفتے باقی ہیں اور نسیم شاہ کی نیٹ میں واپسی کرکٹ کے مداحوں کیلئے اچھی خبر ثابت ہو گی ۔
Alhamdulillah 🤲🏼 pic.twitter.com/hcxLfZUyOU
— Naseem Shah (@iNaseemShah) January 10, 2024
نسیم شاہ نے نیٹ میں باولنگ کرواتے ہوئے اپنی ویڈیو ٹویٹر پر شیئر کی جو کہ شائقین کرکٹ کی توجہ کا مرکز بن گئی ہے ۔نسیم شاہ نے ویڈیو میں ’ الحمد و اللہ ‘ کاکیپشن بھی درج کیا ۔
یہاں یہ امر قابل ذکر ہے کہ نسیم شاہ کو ایشیا کپ 2023 کے دوران کندھے کی انجری ہوئی تھی جس کے بعد ان کی سرجری ہوئی اور پھر انہوں نے ری ہیب پروگرام مکمل کیا ، چار مہینے کے بعد اب وہ پوری قوت کے ساتھ نیٹ میں واپس آ چکے ہیں اور آوٹ سوینگ کرتے دکھائی دیئے ۔
نسیم شاہ پی ایس ایل 9 میں اسلام آباد یونائیٹڈ کی نمائندگی کریں گے ،بھارت میں ہونے والے ورلڈکپ میں ان کی شدید کمی محسوس کی گئی ۔
