سردیوں میں بھی بجلی نایاب ہو گئی،لاہور میں بجلی کی اعلانیہ اورغیر اعلانیہ لوڈ شیڈنگ سے شہری پریشان ہو گئے۔
شدید سردی میں بھی لوڈشیڈنگ کا جن قابو میں نہ آ سکا،مختلف علاقوں میں بجلی کی اعلانیہ و غیراعلانیہ لوڈشیڈنگ کا سلسلہ جاری ہے،شادمان، گلبرگ، مکہ کالونی، ماڈل ٹاؤن ایکسٹینشن ، شاہ جمال ، اچھرہ میں لوڈ شیڈنگ جاری ہے۔
دھرم پورہ،مصطفی آباد،چوبچہ ا سٹاپ کےاطراف 12 گھنٹے لوڈ شیڈنگ نے شہریوں کا جینا دوبھرکردیا،جبکہ دیہی علاقوں میں لوڈشیڈنگ کا دورانیہ 8 گھنٹے سے زائد ہے۔
لیسکو ریجن میں بجلی کی اعلانیہ و غیراعلانیہ لوڈشیڈنگ سے شہری پریشانی میں مبتلا ہیں،شہریوں نے نگران حکومت سے بجلی کی لوڈ شیڈنگ ختم کرنے کا مطالبہ کیا ہے۔
